MULA ADA BUKO PAHA (Bhs. Lama Holot)

Nuan Mula ada nuan, uran tun tutu nolo pito getan, Lera laga wuyo gere, lodo duli lau kai mula wata larun basa.
Musim buko paha musim, wai ba bage lungu lema gole, Seni lau goran tawa, bunu pali weli kai ada utan gobu tobi.
Elun pito dai getan, lein lau te ke deku, lodo duli lau kai, sokot lau lein dai, bukut kaan dike-dike kewata larun basa pulo tawa ebeta bo kuma baran tawan.
Wo ke lema haka gole, weran rae te ke remet, bunu pali weli kai haek rae weran hau, lotun kaan sare-sare, keutan gobu tobi lema gere o rana be laka baran gere.
Wulan dai gelu leron, wata larun basa pulo gere pusun keko reo, leron haka pekat pali, utan gobu tobi lema haka wuan baka likat. Gere pusun keko reo gere tao kaan keban toban milik bake.
Haka wuan boka likat haka liwo kaan ma da tao mele lere.
Tao kaan Keban toban nili bake, ti tobo tudakek koo ko ba tutu maga. Liwo kaan mada tao mele rere, ti pae taga koon bo ku yalen gole. Tukan pole malu doan ti gute kaan pau nuba. Lolon gate mara lela, ti semun kaan bo'i nara, Kewa ki wanem perae kewa paga wolo koli. Soge watanem pelau, soge sika uma ili, (Dikarang oleh Lama Pangkaras, GOMBLO ADONARA)